აშშ-ში, ფლორიდის შტატის ქალაქ ორლანდოში ჰელოუინის აღნიშვნის დროს სროლის შედეგად ორი ადამიანი მოკვდა და ექვსი დაშავდა.
პოლიციის ცნობით, დაშავებული ადამიანები საავადმყოფოში გადაიყვანეს. მათივე თქმით, სროლის მოწყობის ბრალდებით ერთი 17 წლის მოზარდი დააკავეს.
სროლა ორლანდოს ერთ-ერთ უბანში მოხდა, სადაც ასობით ადამიანი ჰელოუინს ზეიმობდა.
პოლიციის თქმით, სროლის შესახებ ცნობების საპასუხოდ ადგილზე წუთებში მივიდნენ.
განცხადების მიხედვით, პოლიციის დეპარტამენტი ადგილზე პატრულირების ზრდის საჭიროებას განიხილავს.
ორლანდოს პოლიციის უფროსი, ერიკ სმითი ამბობს, რომ გამოძიება ისევ მიმდინარეობს.
