ევროკომისიის მიერ გამოქვეყნებული განცხადების თანახმად, ევროკომისიის ვიცეპრეზიდენტი, მარგარიტის სჰინასი 9 სექტემბერს ერევანში ევროკავშირისა და სომხეთს შორის ვიზალიბერალიზაციის საკითხის შესახებ დიალოგის დასაწყებად ჩავა.
განცხადებაში აღნიშნულია, რომ ვიზალიბერალიზაციისთვის სომხეთმა უნდა განახორციელოს რიგი რეფორმები ისეთ საკვანძო სფეროებში, როგორიცაა საზღვრის უსაფრთხოების უზრუნველყოფა, მიგრაცია, მგზავრობასთან დაკავშირებული ფუნდამენტური უფლებების დაცვა და თავისუფლების პატივისცემა.
სჰინასი ერევანში ვიზიტისას სომხეთის პრეზიდენტ ვაჰაგნ ხაჩატურიანს, სომხეთის პრემიერმინისტრს ნიკოლ ფაშინიანს, საგარეო საქმეთა მინისტრ არარატ მირზოიანსა და ვიცეპრემიერ მჰერ გრიგორიანს შეხვდება.
ევროკავშირის საგარეო საქმეთა მინისტრები სომხეთთან სავიზო რეჟიმის ლიბერალიზაციის დიალოგის დაწყებაზე ივლისში შეთანხმდნენ.
