რუსული კანონი

იონათამიშვილი კობახიძის განცხადებაზე: ემოციურად მეც საკმაოდ ავღელდი

გულწრფელად გეტყვით, როცა ეს წავიკითხე, ემოციურად მეც საკმაოდ ავღელდი. მართლაც გამაოგნებელია, რა ძალები და როგორ ებრძვიან საქართველოს, ამ ქვეყნისა და ჩვენი გუნდის ლიდერებს. რას ერჩის ეს ძალა საქართველოს? მხოლოდ იმას, რომ აქ მეორე ფრონტი არ გაიხსნა და იმას, რომ ჩვენი ხელისუფლება ქართველი ხალხის გარდა, არავის მორჩილი არაა. ამის გამო, ეს ადამიანები ჩვენ დაშანტაჟებას ხან სანქციებით ცდილობენ, ახლა კი უკვე სიცოცხლის მოსპობის მუქარაზე გადავიდნენ. 

ასე გამოეხმაურა ირაკლი კობახიძის განცხადებას ქართული ოცნების დეპუტატი, რატი იონათამიშვილი

"ჩემთან საუბარში ერთ-ერთმა ევროკომისარმა ახსენა - ხომ ნახეთ, ფიცოს რა დაემართა და ძალიან ფრთხილად უნდა იყოთო". - თქვა ირაკლი კობახიძემ.

15 მაისს სლოვაკეთის პრემიერმინისტრს, რობერტ ფიცოს ესროლეს და დაჭრეს.

კომენტარები