ისრაელის თავდაცვის ძალების პრესსპიკერის დანიელ ჰაგარის ინფორმაციით, ირანმა ისრაელის მიმართულებით ჯამში 200-ზე მეტი რაკეტა გაუშვა.
ჰაგარის თქმით, რაკეტების უმეტესობა Arrow-ის საჰაერო თავდაცვის სისტემებმა ჩამოაგდო, ხოლო რაკეტების ჩამოგდების შემთხვევათა უმრავლესობა ისრაელის საჰაერო სივრცეში მოხდა.
ამასთანავე, იგი ამბობს, რომ ირანის თავდასხმის ფარგლებში ნეგევში ერთი გოგო დაშავდა და დარტყმებს ერთ-ერთი სამხედრო ბაზის ინფრასტრუქტურის "მცირედი დაზიანება" მოჰყვა.
