ევროკომისიამ კომპანია Apple ბაზარზე მონოპოლიური მდგომარეობის ბოროტად გამოყენების გამო 1.8 მილიარდი ევროთი დააჯარიმა.
დასკვნის მიხედვით Apple თითქმის 10 წლის განმავლობაში, თავის დეველოპერებს, App Store-ის მომხმარებლებისთვის უფრო სარფიანი შეთავაზებების შეტყობინებას უკრძალავდა.
გამოძიება 2019 წელს დაიწყო, როდესაც Apple-ის წინააღმდეგ სარჩელი მუსიკალურმა პლატფორმა Spotify-მ შეიტანა.
დაჯარიმებული კომპანიის წარმომადგენლები ბრალს არ აღიარებენ და ევროკომისიის გადაწყვეტილებას შეცდომად მიიჩნევენ.
"პატივს ვცემთ ევროკომისიას, მაგრამ მათ მიერ წარმოდგენილი ფაქტები უბრალოდ არ შეესაბამება რეალობას". – წერია Apple-ს განცხადებაში.
