23 თებერვალს გერმანიის დედაქალაქ ბერლინში, Deutsches Theater-ში ქართველი მწერლისა და რეჟისორის, ნინო ხარატიშვილის ახალი სპექტაკლის, პენთესილეა: რეკვიემის პრემიერა გაიმართება.
სპექტაკლი ორენოვანი იქნება, ქართული და გერმანული. მასში გერმანელებთან ერთად, ქართველი მსახიობები: ეკა ნიჟარაძე, ანანო მახარაძე და ნესტან ბაგრატიონ-დავითაშვილი ითამაშებენ - ვიდეოზე კი ზაზა რუსაძე იმუშავებს.
სპექტაკლი ანტიკური მითის ნინო ხარატიშვილისეული ინტერპრეტაციაა, რომელიც ბერძნებისა და ამაზონელი მეომრების ბრძოლას მოგვითხრობს. ტექსტის ავტორი თავად ნინო ხარატიშვილია, ქართული თარგმანი კი მაია ფანჯიკიძეს ეკუთვნის.
