ქართული ოცნების დეპუტატს, დავით სერგეენკო პარლამენტის დატოვება სურს. ამ მიზეზით, სერგეენკომ პარლამენტს სადეპუტატო უფლებამოსილების ვადამდე შეწყვეტის შესახებ განცხადებით დღეს, 14 ნოემბერს მიმართა - ინფორმაცია ტაბულას პარლამენტის პრესსამსახურმა დაუდასტურა.
განცხადება ამჟამად საპროცედურო საკითხთა და წესების კომიტეტშია. კომიტეტის მიერ სერგეენკოს მიმართვის განხილვა ხუთშაბათს, 16 ნოემბერს არის ჩანიშნული, რის შემდეგაც, იმავე დღეს პლენარული სხდომა ჩატარდება.
5 სექტემბერს, პარლამენტმა დავით სერგეენკოსთვის სადეპტატო უფლებამოსილების შეწყვეტას მხარი არ დაუჭირა. ქართული ოცნების დეპუტატისთვის უფლებამოსილების შეწყვეტის განხილვის მიზეზი სხდომების ნახევარზე მეტის არასაპატიოდ გაცდენა იყო.