ზაპოროჟიეს ოლქის სოფელ ზარიჩნეში რუსეთის სარაკეტო იერიშის შედეგად 9 ადგილობრივი დაშავდა. ინფორმაციას ზაპოროჟიეს სამხედრო ადმინისტრაციის ხელმძღვანელი იური მალაშკო ტელეგრამ-არხზე ავრცელებს.
"ოკუპანტებმა რაკეტით მიიტანეს იერიში ზარიჩნიზე. მტრის თავდასხმის შედეგად დაშავდა 9 ადგილობრივი - 4 მამაკაცი და 5 ქალი. ყველა მათგანს სასწრაფოდ გაუწიეს საჭირო სამედიცინო დახმარება". - თქვა მან.
ამასთან, მალაშკოს არ დაუკონკრეტებია, ზუსტად როდის მოხდა თავდასხმა.
მისივე თქმით, რუსეთმა გასულ დღეს ზაპოროჟიეს ოლქის 26 ქალაქსა და სოფელზე იერიში 126-ჯერ მიიტანა.
მალაშკო ტელეგრამ-არხზე ასევე წერს, რომ რუსმა სამხედროებმა ასევე 22 უპილოტო საფრენი აპარატით იერიში მიიტანეს გულიაიპოლზე, ნოვოდარივკაზე, ჩერვონიზე, ბილოგირსა და სხვა დასახლებებზე.