არასერიოზული კაცია და არასერიოზულ განცხადებებს აკეთებს. ცოტა სერიოზულ კაცს რომ გაეკეთებინა ეს განცხადება, შეიძლება, გავბრაზებულიყავით და გვეთქვა, რომ, იცით რა, მუქარა როგორ შეიძლება საპარლამენტო ქვეყანაში პარლამენტის თავმჯდომარის მიმართ.
ხაბეიშვილის განცხადებაზე ვერ გააკეთებ სერიოზულ კომენტარს, ეს არის ერთადერთი, რაც შემიძლია ვთქვა. ეს ადამიანები ცდილობენ ბოლო დროს ამ სულელური რადიკალიზმით შეეჯიბრონ ერთმანეთს, სხვა ვერაფრით ვერ ეჯიბრებიან და სახელმწიფოსგან თავის დროზე მოპარული ფულების გაყოფას სხვა გზით ვერ ცდილობენ, შიდა არეულობაც ამ ყველაფრის გამოძახილია.
სამწუხაროდ, ეს პარტია მეორე ადგილზეა ჯერ კიდევ საქართველოში. ნაციონალური მოძრაობა მეორე ადგილზეა და მისი ხელმძღვანელი ასეთი სასაცილო ფიგურა რომ არის ყველაფერზე ეს მეტყველებს. მათ შორის, ჩემი აზრით, მათი ამომრჩევლის შეურაცხყოფაა მისი ნებისმიერი განცხადება.
