გერმანიის თავდაცვის მინისტრის, ბორის პისტორიუსის თქმით, ევროპაში ომის საფრთხე არსებობს და გერმანელი სამხედროები და საზოგადოება ამისთვის მზად უნდა იყოს. ამის შესახებ პისტორიუსმა ZDF-ის ეთერში ისაუბრა.
პისტორიუსის თქმით, აუცილებელია, რომ ახლო აღმოსავლეთში მიმდინარე კონფლიქტსა და რუსეთის ომს უკრაინის წინააღმდეგ ჰქონდეს გავლენა გერმანულ საზოგადოებაზე.
"უნდა შევეგუოთ იმ აზრს, რომ შესაძლოა, ევროპაში ომის საფრთხე დადგეს". - თქვა პისტორიუსმა.
გერმანიის თავდაცვის მინისტრის თქმით, ქვეყანას უნდა ჰქონდეს თავდაცვის უნარები და ეს ეხება როგორც ბუნდესვერს (ჯარი), ასევე საზოგადოებას.
"ომისთვის მზად უნდა ვიყოთ". - დაამატა პისტორიუსმა.
ამავდროულად, პისტორიუსმა აღნიშნა, რომ გერმანია ყველაფერს გააკეთებს, რათა ახლო აღმოსავლეთში მიმდინარე კონფლიქტის უფრო მეტად ესკალირების თავიდან ასაცილებლად.