ჩეჩნეთის ლიდერმა, რამზან კადიროვიმა მომავალ მარტში დაგეგმილი საპრეზიდენტო არჩევნების გადადებისა ან კანდიდატთა სიიდან პუტინის ოპონენტების გამორიცხვის იდეა წამოაყენა. მიზეზად კადიროვი უკრაინაში მიმდინარე "სპეციალურ სამხედრო ოპერაციას“, ანუ ომს ასახელებს.
კადიროვმა განცხადება 7 ოქტომბერს ჩეჩნეთის დედაქალაქ გროზნოს ცენტრში პუტინის 71-ე დაბადების დღის აღსანიშნავად შეკრებილი 25 000 ადამიანის წინაშე გააკეთა.
"მე მაქვს შემოთავაზება რომ, სანამ სპეციალური სამხედრო ოპერაცია მიმდინარეობს, ერთხმად გადავწყვიტოთ, რომ არჩევნებზე ერთი კანდიდატი გვეყოლება - ვლადიმირ ვლადიმეროვიჩ პუტინი, ან დროებით გააუქმეთ არჩევნები, რადგან დღეს სხვა არავინაა, ვინც ჩვენს ქვეყანას დაიცავს". - საჯაროდ თქვა ჩეჩნეთს ლიდერმა.
პუტინი, რომელიც რუსეთს უკვე ორ ათწლეულზე მეტია მართავს, მომავალ არჩევნებში გამარჯვების შემთხვევაში ქვეყნის სათავეში 2030 წლამდე დარჩება.
მას ჯერჯერობით არჩევნებში მონაწილეობის შესახებ ოფიციალურად არ განუცხადებია.