გერმანია უკრაინას გადასცემს სამხედრო დახმარების ახალ პაკეტს, რომლის მოცულობა 400 მილიონი ევროა.
ახალი სამხედრო პაკეტით უკრაინა გერმანიისგან მიიღებს Gepard-ის ტიპის ტანკებს, IRIS-T-ის საზენიტო-სარაკეტო სისტემებს და MRAP-ის ტიპის 200 ჯავშანმანქანას.
დახმარების პაკეტში ასევე შედის საბრძოლო მასალა 155 მმ-იანი საარტილერიო სისტემებისთვის, ნაღმმტყორცნების საბრძოლო მასალა და AT-2 ნაღმების რაკეტები შორ მანძილზე განთავსებული ნაღმებისთვის.
გერმანიის თავდაცვის სამინისტროს განცხადებით, გერმანია ასევე გააგრძელებს უკრაინელი სამხედროების მომზადებას - "სავარაუდოა, რომ წლის ბოლომდე მომზადებას სულ 10 ათასი უკრაინელი სამხედრო გაივლის".
ამასთან, გადაწყვეტილება სამხედრო დახმარების ახალ პაკეტის შესახებ რამშტეინის ფორმატში მე-15 შეხვედრის შემდეგ მიიღეს.
