დაიღუპა კურიერი, რომელსაც თბილისში, ალექსანდრე ყაზბეგის გამზირზე 28 აგვისტოს მსუბუქი ავტომობილი დაეჯახა - კურიერი მოპედით გადაადგილდებოდა.
როგორც ტაბულას შინაგან საქმეთა სამინისტროში უთხრეს, გამოძიება მიმდინარეობს სისხლის სამართლის კოდექსის 276-ე მუხლის მე-6 ნაწილით. ეს გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას და ოთხიდან შვიდ წლამდე თავისუფლების აღკვეთას ითვალისწინებს.
რაც შეეხება კითხვას, დააკავეს თუ არა მსუბუქი ავტომობილის მძღოლი, შსს-ში ტაბულას უთხრეს, რომ ჯერჯერობით მხოლოდ მუხლის თქმა შეუძლიათ და "უნდა გამოიკვეთოს ბრალეულობა".
