ავსტრალიის სანაპიროზე გამორიყული მისტიური ცილინდრი ინდური კოსმოსური ხომალდის ნარჩენი აღმოჩნდა. ინფორმაცია ორივე ქვეყნის ოფიციალურმა პირებმა დაადასტურეს.
რამდენიმე თვის წინ სოციალურ ქსელში გავრცელდა გამორიყული ობიექტის ფოტოები და გაჩნდა მრავალი კითხვა ობიექტის წარმომავლობის შესახებ.
ნარჩენი პოლარულ სატელიტს ეკუთვნოდა, რომელიც ინდოეთის კოსმოსური კვლევების ორგანიზაციამ (ISRO) გაუშვა. ინფორმაცია CNN-თან ინდოეთის კოსმოსური კვლევების დირექტორმა სუდერ კუმარმა დაადასტურა.
