ნორვეგიამ უკრაინაში F-16 გამანადგურებლების გაგზავნა გადაწყვიტა. ამის შესახებ ინფორმაციას უკრაინული მედია ავრცელებს.
მედიაში გავრცელებული ინფორმაციით, ნორვეგიის პრემიერმინისტრი, იონას გაჰრ შტორე ოფიციალური ვიზიტით კიევში იმყოფება.
F-16-ების კიევისთვის გაგზავნის შემთხვევაში, ნიდერლანდებისა და დანიის შემდეგ ნორვეგია იქნება მესამე ქვეყანა, რომელიც უკრაინას F-16-ის ტიპის თვითმფრინავებს მიაწვდის.
19-20 აგვისტოს დანიამ და ნიდერლანდებმა უკრაინელი პილოტების წვრთნების დასრულების შემდეგ თვითმფრინავების კიევში გაგზავნის შესახებ გადაწყვეტილება გამოაცხადეს.
გარდა ამისა, უკრაინელმა მფრინავებმა დანიაში F-16-ის ტიპის თვითმფრინავებისთვის ვარჯიში უკვე დაიწყეს.
ასევე, როგორც აქამდე გახდა ცნობილი, საბერძნეთი შეუერთდება იმ ქვეყნებს, რომლებიც უკრაინელებს F-16-ებისთვის წვრთნიან.
