ჩრდილოეთ კორეამ იაპონიის ზღვისკენ ბალისტიკური რაკეტა გაისროლა. ინფორმაციას ამის შესახებ სამხრეთ კორეა ავრცელებს.
ამავდროულად, დღეს, ჩრდილოეთ კორეის სამხედროებმა დემილიტარიზებულ ზონაზე დააკავეს აშშ-ის მოქალაქე, რომელმაც სამხრეთ კორეისა და ჩრდილოეთ კორეის საზღვარი გადაკვეთა. მოგვიანებით გაირკვა, რომ აღნიშნული პირი აშშ-ის არმიის ჯარისკაცი აღმოჩნდა.
ჩრდილოეთ კორეამ ბოლო ერთი კვირის მანძილზე ბალისტიკური რაკეტა მეორედ გამოსცადა. 12 ივლისს გავრცელებული ინფორმაციით, ჩრდილოეთ კორეამ იაპონიის ზღვის მახლობლად კონტინენტთაშორისი ბალისტიკური რაკეტა გაუშვა.
