როგორც არ უნდა უყურებდეს ამ საკითხს საქართველოს რომელიმე მოქალაქე, უდავო ფაქტია რომ ეს საქართველოსთვის არის ცუდი და უწყობს ხელს ქვეყნის დასავლეთისგან იზოლაციას, რისი უკვე განუყოფელი ნაწილია უკრაინა. ამ რეჟიმისგან ეს არანაირად არ უნდა გვიკვირდეს და მათზე ეს არავითარ გავლენას არ მოახდენს. ამ ხალხს, ივანიშვილს არჩეული აქვს ანტიდასავლური კამპანია საკუთარი ძალაუფლების შენარჩუნების გზად. ეს პუტინისტური სულისკვეთებაა მისი მთავარი ხაზი და სააკაშვილის ამბავი ძალის დემონსტრირების შესაძლებლობაა, რასაც ხელს უწყობს მისივე და მისი გუნდის არათანმიმდევრული საქციელი, რბილად რომ ვთქვათ. ამიტომ ჩვენ ფოკუსი უნდა გვქონდეს ერთადერთ რამეზე, ამ რეჟიმის დემოკრატიულად შეცვლაზე. ეს არის გამოსავალი იმ ჩიხიდან, რომელშიც ივანიშვილმა შეიყვანა.
tbl.ge/6fjl
დაკოპირდა
ამბობს ევროპული საქართველოს თავჯდომარე, გიგა ბოკერია. გუშინ, 4 ივლისს უკრაინის პრეზიდენტმა, ვოლოდიმირ ზელენსკიმ უკრაინაში საქართველოს ელჩს 48 საათის განმავლობაში ქვეყნის დატოვების განკარგულება მისცა. ზელენსკიმ აღნიშნა, რომ საქართველოს ხელისუფლებას მოუწოდებს, "უკრაინის მოქალაქე მიხეილ სააკაშვილი საჭირო მკურნალობისთვის უკრაინას გადასცეს".
ამავე თემაზე
- კალაძე: არ მინდა პოლემიკაში შევიდე დავით არახამიასთან, მინდა, უკრაინას მშვიდობა ვუსურვო
- პაპუაშვილი: კრიმინალების შეფარება აზიანებს ქართველების ნდობას ევროპული ღირებულებებისადმი
- არახამია ოცნებას: თუ ნორმალიზება გსურთ, დაგვიბრუნეთ სააკაშვილი, შეწყვიტეთ ფრენები რუსეთთან
- პაპუაშვილი: გვერდში დგომის საპასუხოდ, უკრაინისგან შეუსაბამო ნაბიჯებს ვიღებთ
- ზელენსკი ზურაბიშვილს: ჩვენმა ერებმა მოსკოვის აგრესიული პოლიტიკის უამრავ ტანჯვას გაუძლეს