წალკაში სარეაბილიტაციო სამუშაოების დროს მატარებელი რელსებიდან გადავიდა. როგორც შსს-მ ტაბულას განუმარტა, შემთხვევას, რომელიც გუშინ, 26 მაისს მოხდა, ერთი ადამიანი ემსხვერპლა, ხოლო ოთხი - მსუბუქად დაშავდა.
შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სსკ-ს 275-ე მუხლით დაიწყო, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.