უკრაინის პრეზიდენტმა, ვოლოდიმირ ზელენსკიმ და საფრანგეთის პრეზიდენტმა, ემანუელ მაკრონმა სატელეფონო საუბარი გამართეს, სადაც თავდაცვის სფეროში თანამშრომლობა და საერთაშორისო ასპარეზზე გადადგმული ნაბიჯები განიხილეს. ინფორმაციას უკრაინის პრეზიდენტი Twitter-ზე ავრცელებს.
"ემანუელ მაკრონთან ერთსაათიან საუბარში ეფექტურად განვიხილეთ უკრაინისა და საფრანგეთის ურთიერთობა თავდაცვაში. მე მას დეტალურად გავაცანი ფრონტზე არსებული ვითარება. ვისაუბრეთ შემდგომ ნაბიჯებზე მშვიდობის ფორმულის განსახორციელებლად და კოორდინირებულ ქმედებებზე მომავალი საერთაშორისო ღონისძიებებისთვის." - წერს უკრაინის პრეზიდენტი Twitter-ზე.
შეხვედრაზე კომენტარი ელისეის სასახლეს ჯერ არ გაუკეთებია.