რუსეთის პრეზიდენტმა, ვლადიმირ პუტინმა ხელი მოაწერა კანონს, რომელიც ადგენს სისხლის სამართლის პასუხისმგებლობას სპეციალური სამხედრო ოპერაციის ნებისმიერი მონაწილის, მათ შორის მოხალისეების, დისკრედიტაციისთვის.
ადრე, რუსეთის ფედერაციის სისხლის სამართლის კოდექსის თანახმად, სასჯელი გათვალისწინებული იყო მხოლოდ რუსეთის შეიარაღებული ძალების დისკრედიტაციისთვის საზღვარგარეთ. ახლანდელი ცვლილებით, სისხლის სამართლის სასჯელი მოჰყვება ნებისმიერი წევრის, მათ შორის მოხალისეების, იმ ორგანიზაციების ან პირების დისკრედიტაციისთვის, "რომლებიც ეხმარებიან რუსეთის ფედერაციის შეიარაღებულ ძალებს დაკისრებული ამოცანების შესრულებაში".
ასეთი დანაშაულისთვის მაქსიმალური სასჯელი ხუთიდან შვიდ წლამდე იზრდება.
რუსეთი რუსული არმიის "დისკრედიტაციად" მიიჩნევს ნებისმიერ ინფორმაციას, რომელიც ოფიციალურ ვერსიას არ ემთხვევა.
