საქართველოს ხელისუფლება ორივე სცენარისთვის ემზადება: თუ მოგვცემენ კანდიდატის სტატუსს, მაშინ იტყვიან, რომ მათ მიაღწიეს ამას, შეეცდებიან სასურველი შედეგის მითვისებას და პოლიტიკური ქულების დაწერას. თუ არ მოგვცემენ, მაშინ შეეცდებიან დასავლეთის დემონიზებას და იტყვიან, რომ მათ ჩვენ არ ვუნდივართ, რომ საქართველოც უნდოდათ ომში ჩაბმულიყო და გახსნილიყო მეორე ფრონტი, რაზეც ერთი წელია საუბრობენ. ამ ტყუილს თავიანთი პროპაგანდით ატრიალებენ მედიაში. საქმე იმაში მდგომარეობს, რომ 2012 წელს, როდესაც დამარცხების შემდეგ ჩვენ მათ გადავეცით ხელისუფლება, საქართველოს მოსახლეობამ მათთან გააფორმა კონტრაქტი, რომ დასავლური ვექტორი არ შეიცვლებოდა და რომ ოლიგარქი ივანიშვილი მოიტანდა მეტ კეთილდღეობას, მეტ დემოკრატიასა და თავისუფლებას. თუმცა, ივანიშვილმა გამუდმებით დაარღვია ეს კონტრაქტი საქართველოს საზოგადოებასთან და თუ არ მოგვცემენ კანდიდატის სტატუსს, ქართველი ხალხიც დაარღვევს ამ შეთანხმებას. სწორედ ამის ეშინია ივანიშვილს და სწორედ ამიტომ უნდა, რომ სააკაშვილი იყოს იზოლირებული. მიხეილ სააკაშვილის კალიბრის პოლიტიკოსი, თავისი ქარიზმით, დრაივით და ბექგრაუნდით შეძლებს გავლენის მოხდენას ქართულ საზოგადოებაზე, რათა მან, თავისი მხრიდან, ასევე გაწყვიტოს შეთანხმება ბიძინა ივანიშვილთან.
tbl.ge/69pd
დაკოპირდა
ამბობს ერთიანი ნაციონალური მოძრაობის გენერალური მდივანი, პეტრე ცისკარიშვილი გადაცემა Фейгин Live-ში.
ამავე თემაზე
- ჯაფარიძე: წინა ხაზზე ვიბრძოლებ, შევუვარდები რეზინის ტყვიასაც, წყლის ჭავლსაც, გაზსაც
- ხობის და ცაგერის ენმ-ის ფრაქციები გაუქმდა – დეპუტატები პარტია ახალს შეუერთდნენ
- მელიას თქმით, ქუთაისის საკრებულოში ენმ-ის ყოფილი წევრები მის პარტიას უერთდებიან
- ბოტკოველი: ნაცი ყოველთვის იქნება ნაცი და ნაცი ყოველთვის იქნება კაცი – სიტყვის პატრონი
- კირკიტაძე: საქართველოს მოქალაქე შეარჩევს, ვინ უნდა იყოს ენმ-ის საპარლამენტო სიაში