გუშინ მართლაც ისტორიული დღე იყო როგორც საქართველოს ეკლესიის ისტორიისთვის, ისე საქართველოსთვისაც. აღვნიშნავდით პატრიარქის აღსაყდრებიდან 45 წლის იუბილეს. საქართველოს კათოლიკოს-პატრიარქი ილია მეორე გახლავთ პატრიარქი, რომელიც ყველაზე ხანგრძლივად უძღვება ქართულ ეკლესიას. გარდა იმ დამსახურებისა, რომელიც აქვს მას, როგორც საქართველოს ეკლესიის წინამძღოლს, თავად ეს მოვლენაც არის ისტორიული, რომ ამდენი ხანი არის პატრიარქი, ასეთი კავშირი აქვს ერთან, დღეს ყველა ეპისკოპოსი არის მისი ხელდასმით ეპისკოპოსი. შესაბამისად, ეს კავშირი ეკლესიაში არის განსაკუთრებული. ამიტომ მნიშვნელოვანი, ისტორიული მოვლენა იყო და მართლა გამიკვირდა, რომ ბევრი, ოპოზიციიდან იქნებოდა თუ სხვა ე.წ. ელიტა, საერთოდ არც კი გამოეხმაურა ამ საკითხს. ეს არ არის მხოლოდ ისტორიის ან რელიგიის საკითხი, ეს არის, მათ შორის, ჩვენი სახელმწიფოებრიობის საკითხი, რადგან ქართულ ეკლესიას კონსტიტუციითაც კი აღიარებული აქვს განსაკუთრებული როლი ჩვენს ისტორიაში, ასევე ჩვენს თანამედროვეობაში. ამიტომ, რა თქმა უნდა, იმედგაცრუებული ვარ, რომ ასეთ მნიშვნელოვან მომენტს და თარიღს გუშინ ე.წ. ელიტა არ გამოეხმაურა.
პატრიარქის აღსაყდრება
პაპუაშვილი: იმედგაცრუებული ვარ, რომ ე.წ. ელიტა არ გამოეხმაურა პატრიარქის აღსაყდრების თარიღს
tbl.ge/683n
დაკოპირდა
ამბობს პარლამენტის თავმჯდომარე, შალვა პაპუაშვილი პატრიარქის აღსაყდრების 45 წლის იუბილესთან დაკავშირებით.
ამავე თემაზე
- კალაძე ოპოზიციაზე: ღიად ებრძვიან ეკლესიას, პატრიარქს, ყველაფერს ძვირფასს, რაც გაგვაჩნია
- პრემიერი პატრიარქს: ძნელია სიტყვებით გადმოსცე უზარმაზარი ღვაწლი, მისია, რომელიც გაკისრიათ
- პრეზიდენტი ილია II-ს: ტოლერანტობის შენარჩუნებასა და განმტკიცებაში თქვენი წვლილი უდიდესია
- პრემიერი: ფასეულობები, რომელთაც მისი უწმინდესობა ცხოვრებით ამკვიდრებს, უნივერსალურია
- 44 წლის წინ ილია მეორე პატრიარქად ქალმა დელეგატებმაც აირჩიეს