შინაგან საქმეთა სამინისტროს ინფორმაციით, ქუთაისში სექსუალური ხასიათის სხვაგვარი ქმედებისა და არასრულწლოვნის იძულების მუხლებით 2 კაცი დააკავეს.
როგორც ტაბულას უწყებაში უთხრეს, ერთ-ერთი მათგანი სისხლის სამართლის კოდექსის 138-ე მუხლით არის დაკავებული, რაც სექსუალური ხასიათის სხვაგვარ ქმედებას გულისხმობს, ხოლო მეორე დაკავებულია 150-ე მუხლით, რაც არასრულწლოვნის მიმართ ჩადენილ იძულებას გულისხმობს.
მოქალაქეები ამბობენ, რომ სკოლის წარმომადგენლებმა ამათ შეტყობინება გაუგზავნეს და სიფრთხილისკენ მოუწოდეს.
"მომივიდა ხმოვანი შეტყობინება, როგორც ყველა მშობელს, რომ ვიყოთ ფრთხილად, რადგან დაფიქსირდა 2 ფაქტი ბავშვების მოტყუების - "ვარ მამის მეგობარი" ან "შეყვარებულს გადააწოდეთ ყვავილი". იყო მშობლების გაფრთხილება". - ამბობს ერთ-ერთი მშობელი ფორმულასთან ინტერვიუში.