ამილახვარი აქციაზე: EU-ს დროშას ამოფარებულების უკანონო ქმედებაზე მყისიერი პასუხი იქნება

გუშინდელმა აქციამ დაგვანახა, რომ საქართველოში არის უამრავი ადამიანი,რომელსაც გულწრფელად უნდა ევროკავშირის წევრობა, სტატუსის მიღება და ეს არის ჩვენი მოსახლეობის უმრავლესობის გადაწყვეტილება. ამას მე პირადად და ქართული ოცნება სრულად ვიზიარებთ. მაგრამ, სამწუხაროდ, ისინი აღმოჩნდნენ გუშინ პოლიტიკური ელფერის აქციაზე, სადაც ორგანიზატორებმა ბოლოს ვერ დაფარეს გულწრფელი ზრახვები, პირდაპირ გააკეთეს მოწოდებები ხელისუფლების დამხობისკენ, ხელისუფლების გადაგდებაზე. ის გულწრფელი ადამიანები, ვინც იქ მივიდა ევროკავშირის მისწრაფებებისთვის, მათ პოზიციას ჩვენ სრულად ვიზიარებთ, მაგრამ ის ნაწილი, რომელიც პოლიტიკურ კონტექსტს და ევროკავშირის დროშას არის ამოფარებული, ნებისმიერი უკანონო გადაწყვეტილების თუ მოქმედების შემთხვევაში, მყისიერი და ადეკვატური კანონისმიერი პასუხი იქნება.