კანდელაკი: ღარიბაშვილის განცხადებიდან ჩანს, უკრაინას აბრალებს, რომ ომი თავიდან არ აიცილეს

ღარიბაშვილის ამ განცხადებიდან გამომდინარეობს ის, რომ კვლავაც უკრაინასა და პრეზიდენტ ზელენსკის აბრალებს თითქოს უკრაინას შეეძლო ომის და მარიუპოლის ტრაგედიის თავიდან აცილება და არ აიცილა. გამოსჭვივის ღარიბაშვილის განცხადებაში, რომ ქართული ოცნება კვლავაც ფსონს დებს რუსეთის გამარჯვებაზე და წარმატებაზე, რომ აღარაფერი ვთქვათ იმ პასუხისმგებლობაზე, რომელიც აუცილებლად დაეკისრება ქართულ ოცნებას, რადგანაც დღეს დასავლეთის სანქციების თემატიკის ჩამონათვალში არ ფიგურირებს საქართველოს დეოკუპაციის საკითხი.