ეროვნული ბანკის ინფორმაციით, პირველ თებერვალს საქართველოს ფინანსთა სამინისტროს ობლიგაციების აუქციონზე 70 000 000 ლარის ნომინალური ღირებულების 2-წლიანი ვადიანობის ფასიანი ქაღალდები გაიყიდა.
აუქციონში მონაწილეობა სამმა კომერციულმა ბანკმა მიიღო. მოთხოვნამ 135 950 000 ლარი შეადგინა. მინიმალური საპროცენტო განაკვეთი 9.780%-ით, მაქსიმალური 9.950%-ით, ხოლო საშუალო შეწონილი 9.850%-ით განისაზღვრა. კუპონურმა საპროცენტო განაკვეთმა 9.788% შეადგინა. კუპონური საპროცენტო განაკვეთი 9.875 პროცენტით განისაზღვრა, კუპონის გადახდა მოხდება წელიწადში ორჯერ, ყოველ ექვს თვეში.
სახაზინო ვალდებულებების მეორე აუქციონზე 20 000 000 ლარის ნომინალური ღირებულების 182-დღიანი ვადიანობის ფასიანი ქაღალდები გაიყიდა.
აუქციონში მონაწილეობა სამმა კომერციულმა ბანკმა მიიღო. მოთხოვნამ შეადგინა 40 000 000 ლარი. მინიმალური საპროცენტო განაკვეთი 10.000%-ით, მაქსიმალური - 10.200%-ით, ხოლო საშუალო შეწონილი 10.163 პროცენტით განისაზღვრა.
სახაზინო ვალდებულება ფინანსთა სამინისტროს მიერ გამოშვებული სახელმწიფო ქაღალდია. მისი გაყიდვით სახელმწიფო ვალს იღებს, რომელსაც შესაბამისი საპროცენტო განაკვეთით ფარავს. შესაბამისად, გაყიდვის მიზანი მთავრობის ხარჯვის მხარდაჭერაა.