ნიკოლოზ ბასილაშვილმა ამერიკელი მეტოქე მაქსიმ კრესი ანგარიშით 3:0 დაამარცხა და დიდი სლემის ტურნირის 1/16 ფინალის საგზური მოიპოვა.
პირველი სეტი თანაბარ ორთაბრძოლაში წარიმართა, თაი ბრეიქში ქართველმა სპორტსმენმა ანგარიშით 7:3 გაიმარჯვა. მეორე და მესამე სეტები ანგარიშით 6:3 და 7:5 დასრულდა.
ჩოგბურთელისთვის ეს US Open-ზე მოპოვებული მეორე გამარჯვებაა, პირველ რაუნდში სებასტიან კორდა დაამარცხა.
შემდეგ ეტაპზე ბასილაშვილის მეტოქე 24-ე ჩოგანი, ამერიკელი რაილი ოპელკა იქნება.
ამერიკის ღია პირველობა ჩოგბურთის სამყაროში ოთხი მთავარი ტურნირიდან, ე.წ. დიდი სლემიდან ერთ-ერთია.