ბოკერია: გვჭირდება, რომ ჩვენი მთელი ენერგია მიმართული იყოს ნატოში გაწევრიანებაზე

ჩვენ გვჭირდება, რომ ჩვენი მთელი ენერგია მიმართული იყოს აშშ-ში და ევროპაში, ნატოში გაწევრიანების გზაზე, ამ ბარიერების გადასალახად. ამისთვის გვჭირდება, რომ ჩვენი საკითხი დღის წესრიგში ასეთი თემებით კი არ იყოს, ამ სამარცხვინო ამბით, არამედ იყოს იმით, რომ "პაპზე უფრო კათოლიკე იყო" – გამოთქმა რომ ვიხმარო იმაში, რომ ხარ ლიდერი ამ რეგიონში, სამაგალითო ხარ, მოლოდინების საპირისპიროდ, აჩვენებ, რომ თავისუფალი სამყაროს ნაწილი ხარ და შემდეგ უკვე იმ სკეპტიკოსებს, რომლებსაც სხვა მოსაზრებები აქვთ, ჩემი აზრით – მცდარი პრაგმატულად თუ მორალურად, იმათ უპირისპირდები, კარგი გაგებით, შენი კამპანიით და ამაზე ხარჯავ რესურსს.