CRRC Georgia ახალ კვლევას აქვეყნებს, რომელშიც განხილულია მოსახლეობის დამოკიდებულება ისტორიული მოვლენების მიმართ. კითხვაზე, თუ რა იყო ქართული ოცნების ყველაზე დიდი წარმატება 2012 წლიდან დღემდე, გამოკითხულთა 21%-მა უპასუხა, რომ მთავრობას არანაირი წარმატებისთვის არ მიუღწევია.
კვლევის თანახმად, გამოკითხულთა 11%-ს ქართული ოცნების უდიდეს წარმატებად, 2012 წლიდან დღემდე, მიაჩნია გაუმჯობესებული მდგომარეობა ადამიანის უფლებების კუთხით, 9%-ს კორონავირუსის პანდემიისგან გამოწვეული რისკების ეფექტური შემცირება, ასევე 9%-ს საყოველთაო ჯანდაცვის სისტემის შემოტანა, ხოლო 7%-ს თავისუფალი მიმოსვლა ევროკავშირის ქვეყნებთან. 13%-ს კითხვაზე პასუხი არ ჰქონდა.
რაც შეეხება 2012 წლიდან დღემდე ყველაზე დიდ ჩავარდნას ქართული ოცნებისა, გამოკითხულთა 26% სუსტ ეკონომიკურ ზრდას ასახელებს, 9% არჩევნებამდე გაცემული დაპირებების შესრულებას, ხოლო 8% გავრილოვის ღამეს. 20%-მა კითხვაზე პასუხი არ იცის.
