ესპანეთის დედაქალაქ მადრიდში ტოლედოს ქუჩაზე საცხოვრებელ შენობაში აფეთქება მოხდა. შენობის დიდი ნაწილი ჩამოინგრა.
ადგილზე მუშაობენ მეხანძრეები და მაშველები. მიმდებარე ტერიტორიიდან მიმდინარეობს მოსახლეობის ევაკუაცია.
პოლიციის ინფორმაციით, არიან დაშავებულები. დაკარგულად ითვლება 2 ადამიანი.
აფეთქების გამომწვევი მიზეზი ჯერჯერობით უცნობია. ესპანური მედია საკუთარ წყაროებზე დაყრდნობით წერს, რომ სავარაუდოდ, აფეთქება გაზის გაჟონვამ გამოიწვია.
