ხანრგძლივი ექსპოზიციით გადაღებულ ფოტოზე ჩანს დედამიწის ატმოსფეროში შემოსული კაფსულის მიერ დატოვებული მანათობელი კვალიAFP
JAXA-ს მეცნიერი ჰაიაბუსას2-იდან გამოგზავნილი კაპსულით ხელში, 6 დეკემბერიJAXA
ასტეროიდ რიუგუზე დაშვების შემდეგ გადაღებული ფოტო, 11 ივლისი 2019JAXA
ჰაიაბუსა2-ის მიერ გადაღებული ასტეროიდ რიგუს სურათი, 11 ნოემბერი, 2019JAXA
მაყურებლები ესწრებიან დედამიწაზე კაპსულის დაშვების ტრანსლაციას საგამიჰარაში, 6 დეკემებრი, 2020Kyodo News
კომპიუტერული გრაფიკით შექმნილი ილუსტრაცია, რომელიც აჩვენებს ხომალდ ჰაიაბუსა2-ს ასტეროიდ რიუგუს ახლოსJAXAკვირას, 7 დეკემბერს იაპონური კოსმოსური ხომალდიდან, ჰაიაბუსა2-იდან გამოგზავნილი კაფსულა ავსტრალიაში წარმატებით დაეშვა. კაფსულა ასტეროიდ რიუგუზე მოპოვებულ ნიმუშებს შეიცავს. პირველადი შემოწმების შემდეგ შემდგომი კვლევებისთვის მას იაპონიაში გაგზავნიან.
კოსმოსური ხომალდი ჰაიაბუსა2 დედამიწიდან 2014 წლის 3 დეკემბერს გაუშვეს. დედამიწიდან 300 მილიონი კილომეტრით დაშორებულ ასტეროიდ რიუგუმდე მან 2018 წლის ივნისში ჩააღწია. ასტეროიდის სიახლოვეს ხომალდმა წელიწადნახევარი გაატარა, რიუგუზე ორჯერ დაეშვა და ასტეროიდზე მიწისა და ქვების ნიმუშები შეაგროვა. აღსანიშნავია, რომ კოსმოსური მისიების ისტორიაში პირველად ჰაიაბუსა2-მა შეძლო, ასტეროიდის წიაღიდან მოეპოვებინა ნიმუშები.
ასტეროიდებიც, პლანეტების მსგავსად, მზის გარშემო ორბიტაზე მოძრაობენ, თუმცა, პლანეტებზე გაცილებით მცირე ზომის არიან. მზის სისტემაში ისინი ერთერთ ყველაზე ძველ ობიექტების ჯგუფს წარმოადგენენ და მეცნიერები ფიქრობენ, რომ ასტეროიდების შესწავლით შეიძლება მინიშნებების პოვნა იმაზე, თუ როგორ განვითარდა სიცოცხლე დედამიწაზე.
მეცნიერები ამბობენ, რომ ნიმუშები, რომლებიც ასტეროიდის წიაღში იყო მოპოვებული, განსაკუთრებით მნიშვნელოვანია, რადგან მათზე 46 მილიარდი წლის განმავლობაში გავლენა არ ჰქონია კოსმოსურ რადიაციასა და სხვა გარემო ფაქტორებს. მეცნიერები განსაკუთრებით არიან დაინტერესებული ასტეროიდიდან ჩამოსულ ნიმუშებში ორგანული ნივთიერებების შესწავლით. ასეთი კვლევის შედეგად, შეიძლება ცნობილი გახდეს, როგორაა მზის სისტემაში განაწილებული ორგანული ნივთიერებები, ჰქონდათ თუ არა მათ გავლენა დედამიწაზე სიცოცხლის წარმოშობაზე და თუ კი, რა გავლენა. იაპონიის ეროვნული კოსმოსური სააგენტოს (JAXA) პრეზიდენტი ჰიროში იამაკავა თვლის, რომ ასტეროიდიდან ჩამოტანილი ნიმუშების ანალიზი მეცნიერებს დაეხმარება მზის სისტემის წარმოშობის შესახებ მეტის გაგებაში. გარდა ამისა, იმის ახსნაში, რა როლი ითამაშა წყალმა დედამიწაზე სიცოცხლის ჩასახვაში. რიუგუდან ჩამოტანილი ნიმუშები მეცნიერებს ასევე მიაწვდის ინფორმაციას წარსულში ასტეროიდის შეჯახებებისა და მის თერმულ ისტორიაზე.
დაახლოებით ერთწლიანი კვლევის შემდეგ JAXA ასტეროიდიდან ჩამოტანილ ნიმუშებს NASA-სა და სხვა საერთაშორისო მეცნიერებს გაუზიარებს. ნიმუშების 40% მომავალი კვლევებისთვის შეინახება.
მას შემდეგ, რაც დედამიწიდან 220 000 კილომეტრით დაშორებულმა ჰაიაბუსა2-მა კაფსულა გამოგზავნა, ის ახალ მისიაზე გაგზავნეს. ხომალდი მცირე ზომის ასტეროიდისკენ, 1998KY26-ისკენ გაეშურა. ასტეროიდამდე ჩასასვლელად ჰაიაბუსა2-ს 11 წელი დასჭირდება.
