საქსტატის მონაცემებით, ოქტომბერში საქართველოს ეკონომიკა 3.9%-ით შემცირდა. ამგვარად, 2020 წლის პირველი ათი თვის მონაცემებით, საქართველოს ეკონომიკა 5.1%-ით შემცირდა.
მოსალოდნელია, რომ ახალი მასშტაბური შეზღუდვების ფონზე, ეს რიცხვი კიდევ უფრო გაიზრდება. წინა წლის ოქტომბერთან შედარებით, კლება გამოვლინდა თითქმის ყველა სექტორში საფინანსო და სადაზღვევო სფეროების გარდა.
ახალი რეგულაციების დაწესებამდე, მთავრობა წელს ეკონომიკის 5%-იან კლებას ვარაუდობდა, თუმცა, ახალი შეზღუდვების ფონზე მოსალოდნელია, რომ ეს რიცხვი კიდევ უფრო გაიზრდება.
პრემიერმინისტრ გიორგი გახარიას თქმით, ახლად დაწესებული შეზღუდვების ეკონომიკური ფასი მშპ-ს 0.7%-0.8%-ს შეადგენს.
მიმდინარე წელს ეკონომიკური ზრდის ტემპი თვეების მიხედვით, შემდეგნაირად გამოიყურება:
- იანვარი – 5.1% ზრდა;
- თებერვალი – 2.2ზრდა;
- მარტი – 2.7% კლება;
- აპრილი – 13.5% კლება;
- მაისი – 16.6% კლება;
- ივნისი – 7.7% კლება;
- ივლისი – 5.5% კლება;
- აგვისტო – 5.3% კლება;
- სექტემბერი – 0.7% კლება;
- ოქტომბერი – 3.9% კლება;
