გახარია: ამ შეზღუდვების ეკონომიკური ფასი მშპ-ს 0.7%-0.8% იქნება, მეტი არა

რა თქმა უნდა ამ შეზღუდვებს თავისი ეკონომიკური ფასი ექნება, მაგრამ, მერწმუნეთ, რომ ამ შეზღუდვების არშემოღებას და ინფიცირების უკონტროლო ზრდას ექნება კიდევ უფრო მეტი ეკონომიკური ფასი. დღეს ამ შეზღუდვების ფასს ჩვენ ვაკონტროლებთ და ვთვლით, რომ ეს იქნება დაახლოებით, 0.7-0.8%, მეტი არა. ეს - დამატებით იმ ეკონომიკურ მაჩვენებლებთან, რომელთაც დღეს ჩვენ ისედაც ვუყურებთ. აქ არ არის საუბარი რაღაც კრიტიკულ ციფრებზე, თუმცა ყველას კარგად უნდა გვესმოდეს, რომ ყველაფერი დამოკიდებულია იმაზე, თუ როგორ აღვასრულებთ ამას ჩვენ.