რუსეთის თავდაცვის სამინისტრომ მთიანი ყარაბაღის რეგიონში რუსი სამშვიდობო ძალების განლაგების რუკები РИА Новости-ს მიაწოდა.
მთლიანობაში მთიანი ყარაბაღის რეგიონთან მხარეების კონტაქტის ხაზის გასწვრივ და ლაჩინის კორიდორში 16 სადამკვირვებლო პუნქტი მოეწყობა.
"სომხეთსა და აზერბაიჯანს შორის შეთანხმების დაცვის კონტროლის მიზნით იგეგმება 16 სადამკვირვებლო პოსტის განთავსება პასუხისმგებლობის ზონებში: ჩრდილოეთი და სამხრეთი. ისინი განთავსდება მთიანი ყარაბაღთან მხარეების კონტაქტის ხაზისა და ლაჩინის კორიდორის გასწვრივ". –თქვა რუსეთის ფედერაციის გენერალური შტაბის მთავარი ოპერატიული სამმართველოს ხელმძღვანელმა, სერგეი რუდსკოიმ.
რუდსკოის თანახმად, სადამკვირვებლო პოსტების ამოცანაა, მოაგროვონ ინფორმაცია ცეცხლის შეწყვეტის შეთანხმების დარღვევის შემთხვევების შესახებ, გადასცენ ეს ინფორმაცია სამშვიდობო ძალების მეთაურებს, უზრუნველყონ სატრანზიტო ტრანსპორტის უსაფრთხო გადაადგილება და აღკვეთონ მშვიდობიანი მოსახლეობის წინააღმდეგ მიმართული უკანონო ქმედებები.
სომხეთში რუსმა სამშვიდობო ძალებმა ჩასვლა 10 ნოემბრის დილიდან დაიწყეს, მათი ნაწილი უკვე წარგზავნილია მთიანი ყარაბაღის რეგიონში.
ყველაფერი, რაც მთიანი ყარაბაღის საკითხზე ახალი შეთანხმების შესახებ ვიცით, შეგიძლიათ იხილოთ აქ.