ქობულეთში ინკასატორი გაძარცვეს. გავრცელებული ინფორმაციით, შემთხვევა საქართველოს ბანკის მიმდებარე ტერიტორიაზე მოხდა, თუმცა, საქართველოს ბანკის ცნობით, მათი კუთვნილი ინკასაციის მანქანა არ გაუძარცვავთ.
"როგორც ჩვენთვის ცნობილია, მანქანა ეკუთვნის კომპანია DDG-ს" - აცხადებს საქართველოს ბანკი.
ჯერჯერობით უცნობია, რა ოდენობის ფული წაიღო თავდამსხმელმა.
ტაბულა შინაგან საქმეთა სამინისტროს დაუკავშირდა, სადაც გვითხრეს, რომ გამოძიება სსკ-ის 178-ე მუხლით დაიწყო, რაც ძარცვას გულისხმობს.