ხელვაჩაური მეწყერში მოყოლილი მოზარდის ცხედარი იპოვეს. ინფორმაციას საგანგებო სიტუაციების მართვის სამსახური ავრცელებს.
მანამდე, მეხანძრე-მაშველებმა 4 ადამიანის ცხედარი იპოვეს. ორი კაცის ცხედარი ამოასვენეს მანქანიდან, რომელიც მეწყერში მოჰყვა. სამი გარდაცვლილი ერთი ოჯახის წევრია - მათი სახლი მეწყერმა წაიღო.
"120 მეხანძრე-მაშველი და მძიმე ტექნიკა, დაახლოებით, 40 000 ტონა მეწყრულ მასაში მოყოლილ მოქალაქეებს 24-საათიან, უწყვეტ რეჟიმში ეძებდნენ. სამუშაოებს უამინდობა ართულებდა.
ამ დროისთვის, საძიებო სამუშაოები გრძელდება მდინარე სატეხიაში, საიდანაც გადავარდნილი ავტომობილი უკვე ამოღებულია, ხოლო მისი მძღოლი დაკარგულია." - წერია განცხადებაში.
