პოლიციელს, რომელიც ნასვამ მდგომარეობაში სოფელ არაგვისპირთან ქვეითად მოსიარულე არასრულწლოვანს ავტომანქანით დაეჯახა, პატიმრობა შეეფარდა. ინფორმაცია ტაბულას პროკურატურაში დაუდასტურეს.
უწყების ცნობით, გამოძიებით დგინდება, რომ 2020 წლის 26 ივლისს შინაგან საქმეთა სამინისტროს მცხეთა-მთიანეთის პოლიციის დეპარტამენტის დუშეთის რაიონული სამმართველოს უბნის ინსპექტორ-გამომძიებელი, ნასვამ მდგომარეობაში მყოფი ვ.ფ., კუთვნილი ავტომანქანით სტეფანწმინდის მიმართულებით მოძრაობდა, რა დროსაც სოფელ არაგვისპირთან შეეჯახა ქვეითად მოსიარულე, არასრულწლოვან ლ.ზ.-ს, რომელიც საავადმყოფოში მიყვანისას გარდაიცვალა.
