კვირას ფლორიდის შტატში კორონავირუსის 15 000 ახალი შემთხვევა დაფიქსირდა, რაც აშშ-სთვის რეკორდული მაჩვენებელია.
ახალი შემთხვევების რაოდენობის ზრდამდე ერთი დღით ადრე ფლორიდაში მნახველებისთვის უსაფრთხოების წესების დაცვით გაიხსნა Walt Disney World-ი.
Reuter-ის გათვლით, ფლორიდა რომ ქვეყანა ყოფილიყო, დღიური ახალი შემთხვევების რაოდენობით ის მხოლოდ აშშ-ს, ბრაზილიასა და ინდოეთს ჩამორჩება.
ამ დროისათვის აშშ-ში ახალი კორონავირუსის 3.4 მილიონზე მეტი შემთხვევაა გამოვლენილი. ვირუსს ქვეყანაში 138 ათასამდე ადამიანი ემსხვერპლა, 1.5 მილიონზე მეტი კი უკვე გამოჯანმრთელდა.
