ბოჭორიშვილის კლინიკის სამეთვალყურეო საბჭოს დირექტორის, მაკა სოლოღაშვილის, იფორმაციით, კლინიკაში ბოქსირებულ განყოფილებაში სულ 48 პაციენტი მკურნალობს. აქედან 21-ს აქვს დადასტურებული კორონავირუსი. 2 პაციენტი კი ვირუსული ინფექციისგან განიკურნა და კლინიკას ტოვებს.
მისივე თქმით, კლინიკაში რჩება 4 საყურადღებო პაციენტი. მათ ორმხრივი პნევმონია აღენიშნებათ.
მაკა სოლოღაშვილის ინფორმაციით, დადასტურებული კორონავირუსით, ბოჭორიშვილის კლინიკაში 5 არასრულწლოვანი აგრძელებს მკურნალობას.
მისივე თქმით, კლინიკაში მოთავსებული სასულიერო პირის მდგომარეობა სტაბილურია, თუმცა საყურადღებო.
22 აპრილის დილის მონაცემებით, კორონავირუსის დადასტურებული შემთხვევები 411-მდე გაიზარდა. დაემატა 3 ახალი ინფიცირებული. გამოჯანმრთელებულთა რიცხვი კი 98-მდე გაიზარდა.
საქართველოში COVID 19-ით 4 ადამიანი გარდაიცვალა.
საკარანტინო რეჟიმში 5015 ადამიანი რჩება, სტაციონარში მეთვალყურეობის ქვეშ კი 573.
