ვინსენტ ვან გოგი

5 ფილმი ვინსენტ ვან გოგის ცხოვრებაზე

Yahoo

167 წლის წინ ჰოლანდიელი პოსტ-იმპრესიონისტი, დასავლური მხატვრობის ერთ-ერთი ყველაზე გამორჩეული ფიგურა - ვინსენ ვან გოგი დაიბადა.

ვან გოგის სიცოცხლეში მის შემოქმედებას კრიტიკოსთა გამოხმაურება არ მოჰყოლია, მიუხედავად ამისა, ხანმოკლე კარიერის განმავლობაში ფერმწერმა 2100 ნამუშევარი შექმნა. მხატვრის ნახატები დღეს წამყვანი მუზეუმებისა და გალერეების დარბაზებშია წარმოდგენილი. 

წარმოგიდგენთ ხუთ ფილმს ვინსენტ ვან გოგის ცხოვრებაზე:

Lust for Life

1956 წელს გადაღებული ვინსენტ მინელის ფილმი ირვინგ სტოუნის იგივე სახელწოდების რომანს ეფუძნება. ჰოლანდიელი მხატვრის როლი კირკ დუგლასმა შეასრულა. ვან გოგის როლისთვის დუგლასმა ოქროს გლობუსი მიიღო.


ფოტო: Appollo

Loving Vincent

ბრიტანულ-პოლონური ანიმაციური ფილმი ვან გოგის უკანასკნელ წლებს ასახავს. სურათი დეტექტიურ ჟანრშია გადაწყვეტილი და მხატვრის სიკვდილის ოფიციალურ მიზეზს - თვითმკვლელობას ეჭვის ქვეშ აყენებს. ანიმაცია ვან გოგის ცნობილი ნახატებით არის აწყობილი და მთლიანობაში ლეგენდარული მხატვრის ხელწერით არის შესრულებული.


ფოტო: Smithsonian Magazine

At Eternity's Gate

2018 წელს გადაღებული ჯულიან შნაბელის დრამის პრეიერა ვენეციის კინოფესტივალზე გაიმართა. მთავარ როლს უილემ დეფო ასრულებს, მრავალი კინოკრიტიკოსის აზრით მხატვრის როლი დეფოს ორმოცწლიან კარიერაში საუკეთესოა.


ფოტო: Yahoo

Dreams

აკირა კუროსავას ერთ-ერთი უკანასკნელი ნამუშევარი რამდენიმე ნოველისგან შედგება. ერთ-ერთი ჰოლანდიელ მხატვარს ეძღვნება, ვან გოგის როლს ლეგენდარული ამერიკელი რეჟისორი მარტინ სკორსეზე ასრულებს.


ფოტო: Playlist

Vincent and Theo

რობერტ ოლტმანის ფილმი ვინსენტ ვან გოგისა და მისი ძმის თეოს ურთიერთობაზე მოგვითხრობს. მხატვარი ეკრანზე იმ დროისთვის ნაკლებად ცნობილმა მსახიობმა - ტიმ როტმა გააცოცხლა.


ფოტო: Amazon
  

 

კომენტარები