კორონავირუსი საქართველოში

ჩიქოვანი: მარნეულსა და ბოლნისში 20 000-ზე მეტი ადამიანი შემოწმდა, საყურადღებოა 2

პრემიერმინიისტრის პრესსპიკერის, ირაკლი ჩიქოვანის ინფორმაციით, მარნეულსა და ბოლნისში ადგილობრივი თვიმმართველობისა და მედიკოსებით დაკომპლექტებულმა ჯგუფებმა 20 ათასზე მეტი ადამიანი უკვე მოინახულეს და შეამოწმეს სამედიცინო პროტოკოლის მიხედვით. აქედან მხოლოდ 25-ს აღმოაჩნდა სიცხე და მათგან 2 პირის მდგომარეობა არის საყურადღებო. ჩიქოვანის ცნობით, ისინი მარნეულის საავადმყოფოში არიან გადაყვანილები. ამის შესახებ პრემიერმინისტრის პრესსპიკერმა მთავრობის კანცელარიაში საკოორდინაციო საბჭოს დასრულების შემდეგ ისაუბრა.

ჩიქოვანის ინფორმაციით, ჩაკეტილ მუნიციპალიტეტებში მოსახლეობის იზოლაცია სრულადააა დაცული, სიტუაცია კი მშვიდია. მისივე განმარტებით, ბოლნისსა და მარნეულში სურსათის უზრუნველყოფის მხრივ პრობლემა არ არსებობს. შეუფერხებლად მუშაობს ყველა ქსელური მაღაზია. ჩიქოვანის ცნობით, თავდაპირველად შეფერხება იყო მცირე ზომის "ე.წ სოფლის მაღაზიებში", თუმცა ამ დროისთვის შეფერხება გამოსწორებულია.

ბონისისა და მარნეულის მუნიციპალიტეტებში საგანგებო რეჟიმი უკვე 48 საათია გამოცხადებული. ქვეყანაში გამოცხადებულია საგანგებო მდგომარეობა. 23 მარტის 01:00 საათიდან მარნეული და ბოლნისი საკარანდინო ზონებად გამოცხადდა. კორონავირუსი დაუდასტურდა 62 წლის მარნეულელ ქალს, რომლის კონტაქტების ჯაჭვში დაახლოებით 1700 ადამიანია. ქალი თბილისში, პირველ საუნივერსიტეტო კლინიკაშია მოთავსებული, მისი მდგომარეობა მძიმეა, იმყოფება რეანიმაციაში, მართვით სუნთქვაზე. აღსანიშნავია, რომ მარნეულის ჯეო ჰოსპიტალსში ქალს 4 დღის განმავლობაში გრიპზე მკურნალობდნენ და მხოლოდ სუნთქვის გაძნელების შემდეგ მოხდა მისი კორონავირუსზე ტესტირება.

საქართველოში ამ დროისთვის კორონავირუსის 73 დადასტურებული შემთხვევაა, საიდანაც 10 უკვე გამოჯანმრთელდა.

კომენტარები