მოლოდინი გვქონდა, რომ გათავისუფლდებოდა, იმიტომ, რომ ჩვენ, სინოდმა, მივიღეთ გადაწყვეტილება და მივმართეთ შუამდგომლობით. ის, რომ მისი ძმა გამოვიდა და ამბობდა, რომ რაღაც დიალოგი იყო პრეზიდენტთან, ეს სრული აბსურდია. საერთოდ, ამ ადამიანს ახასიათებს ქოსატყუილობა.
მე დეკანოზ მამალაძემ მომწერა წერილი, ის გახმაურებული წერილი, რომლის შინაარსსაც, რატომღაც, ჭყონდიდელყოფილიც [პეტრე ცაავა] არ ახმოვანებდა. [...] თუ არ დამიხსნით ციხიდან, მე ამ ყველაფერს ჟურნალისტებს და სააგენტოებს დავურიგებო, ამას მამალაძე აწერდა ხელს. ეს არის შანტაჟი.
იმაში, რომ დღეს მამალაძეს ციხეში ყოფნა უხანგრძლივდება, ჭყონდიდელყოფილს დიდი როლი აქვს.
