თინა ტერნერი 80 წლისაა: რამდენიმე დასამახსოვრებელი ფრაზა მუსიკოსის ინტერვიუებიდან

წლების განმავლობაში თინა ტერნერი თავისი ნიჭით, ხმის დაუვიწარი ტემბრითა და ამოუწურავი ენერგიით ადამიანების გულებს იპყრობს. ჟურნალმა "Rolling Stone" იგი პლანეტის ერთ-ერთ უდიდეს მომღერლად დაასახელა. სიმღერები: The Best, Proud Mary და ბევრი სხვა, დღემდე არ კარგავენ თავიანთ აქტუალურობასა და პოპულარობას. 

დღეს მომღერალი 80 წლის გახდა 

 მჯერა, რომ თუ ყოველთვის წამოდგები და გზას გააგრძელებ, ცხოვრება შენთვის ყველა კარს გახსნის. ყოველთვის უნდა იპოვო მოძრაობის მოტივაცია. (O magazine, May 2005)

 თქვენ კითხულობთ, ცხოვრებაში რამისთვის თუ მიბრძოლია. კი, ყოველ დღე ვიბრძვი საკუთარი ცხოვრებისთვის.(Vanity Fair, 1993)

მუდამ ასაკსა და სილამაზეზე ვერ იფიქრებ. მაშინ გამოვა, რომ დასდევ იმას რისი დაბრუნებაც შეუძლებელია. (Woman & Home magazine, July 2016)

საკუთარი თავი ძალიან მომწონს. ზოგჯერ, ვიყურები სარკეში და როდესაც კანის ბზინვარებას ვხედავ, ვფიქრობ: "ვაუ,  ძალიან ლამაზია". ცხოვრებას მარტივად, ბავშვურად ვუყურებ და მინდა, სულ ასე იყოს. (O magazine, May 2005)

ადამიანები ფიქრობენ, რომ ძალიან მძიმე ცხოვრება მქონდა, მე კი ვიცი, რომ ეს უმშვენიერესი მოგზაურობა იყო. ასაკთან ერთად ხვდები, რომ მნიშვნელოვანი ის კი არ არის რა მოხდა, ისაა -  ამ ყველაფერს როგორ გაუმკლავდი. (Marie Claire South Africa, May 2018)

ამ ცხოვრებაში საყრდენი არ მყოლია, მართლა - არავინ. ამიტომაც, საკუთარი თავისთვის მე უნდა მიმეხედა, ყოველთვის, დასაწყისიდანვე. ავდექი, გზას გავუდექი და ძლიერი გავხდი იმისთვის, რომ საკუთარი მოწოდება მეპოვა.(My Love Story, 2018 memoir)