Coldplay-მ ახალი ალბომის სიმღერების სია ადგილობრივი გაზეთის რეკლამის სვეტში გამოაქვეყნა.
ორმაგი ალბომის, Everyday Life-ის სიმღერების სია Daily Post-ს საყოფაცხოვრებო ნივთების რეკლამის სვეტში არის განთავსებული, მის გვერდით კი ადგილს თივის, საწოლისა და მაცივრის რეკლამები იკავებს.
ჯონი ბაკლენდი, Coldplay-ს წამყვანი გიტარისტი Twitter-ზე წერს, რომ Daily Post-ში მუშაობდა და გასაყიდი სახლების ფოტოებს ბეჭდავდა, თუმცა, როგორც ბაკლენდი ამბობს, "ამ საქმეში ძალიან კარგიც არ იყო".
ჯგუფმა ახალი ორმაგი ალბომის გამოშვება გასულ კვირას დააანონსა. Coldplay-მ ორიგინალური გზა აირჩია-ფანებს საფოსტო ბარათები გაუგზავნა.
"ბოლო 100 ან დაახლოებით ამდენი წლის განმავლობაში ჩვენ ვმუშაობდით იმაზე, რასაც ქვია ყოველდღიური ცხოვრება/ განცხადებებში შეიძლება ჩაწეროთ 'იყიდება ორმაგი ალბომი, ძალზედ ფრთხილი მფლობელის/ერთ ნაწილს ქვია 'მზის ამოსვლა', მეორეს - 'მზის ჩასვლა'/ ის 22 ნოემბერს გამოვა",-ეწერა ბარათში.
მანამდე, მსოფლიოს სხვადასხვა ქალაქის ქუჩებში იდუმალი პოსტერები გამოჩნდა, სადაც Coldplay-ს წევრები 20-იანი წლების საქორწილო ბენდივით არიან გამოწყობილი, მათ გვერდზე კი ფრიდრიხ ნიცშეა გამოსახული.
Coldplay-მ 2000 წლიდან დღემდე 3 ალბომი გამოუშვა. როკ-ბენდის ბოლო ალბომი 2016 წელს გამოშვებული "A head full of dreams" არის.