ამერიკელმა ფოტოგრაფმა, ერიკ პიკერსჯილმა ფოტოსერია შექმნა, რომელშიც ადამიანებისთვის გადაღებულ სურათებში მათი მობილური ტელეფონები გამქრალია, ამ ადამიანების პოზები კი უცვლელად არის დატოვებული.
ფოტოგრაფმა ხალხს სთხოვა, მოქცეულიყვნენ ბუნებრივად, ხელში დაეკავებინათ მობილური ტელეფონები, ფოტოების გადაღებამდე რამდენიმე წამით ადრე კი მათ მობილურები გამოართვა და სურათები გადაიღო.
შედეგად სურათებში, ადამიანები იქცევიან ისე, თითქოს მათ მობილურები ხელში უჭირავთ, სინამდვილეში კი მათი ხელები ცარიელია.