წლებია უკრაინის დედაქალაქში, მაიდანზე, ყოველ ორშაბათს, სამშაბათს, ხუთშაბათსა და პარასკევს კიევის საპატრიარქოს კუთვნილი ფურგონი ჩერდება, რომელიც საკვებით არის დატვირთული. უსახლკაროებსა და გაჭირვებულებს, ზამთრის ყინვაში საკვებს, ცხელ ჩაისა და ტკბილეულს ურიგებენ.
სოციალურ მსახურებას ხელმძღვანელობდა ახლადარჩეული მიტროპოლიტი კიევისა და სრულიად უკრაინისა ეპიფანე, რომელიც ხალხში გადიოდა, საკვებს აკურთხებდა და უსახლკაროებს საკუთარ პორციას აწვდიდა.