ცენტრალური ევროპის უნივერსიტეტი CEU უკვე ოფიციალურად აღიარებს, რომ იძულებულია, უნგრეთი დატოვოს. მთავრობასთან შეთანხმების მიღწევის ბოლო ვადა გასული შაბათ-კვირა იყო. შეთანხმება ვერ მოხერხდა.
"ჩვენ ამიერიდან აღარ ვოპერირებთ, როგორც თავისუფალი ინსტიტუტი ქალაქსა და ქვეყანაში, რომელსაც სამშობლოს ვუწოდებთ", - თქვა CEU-ს პრეზიდენტმა, მაიკლ იგნატეფმა.
მისივე თქმით, ეს "აკადემიური თავისუფლების ტრაგიკული და სერიოზული ხელყოფაა ევროპის შუაგულში".
თუმცა, უნგრეთის მთავრობა უარყოფს მათ მიმართ არსებულ პრეტენზიებს, რომ ეს აკადემიური თავისუფლების საკითხია - მთავრობის განცხადებით, უნივერსიტეტმა უმაღლესი განათლების სტანდარტები.
ცენტრალური ევროპის უნივერსიტეტი ბუდაპეშტში ჯორჯ სოროსმა დააარსა.
მის დახურვაზე უნგრეთის მთავრობამ საუბარი დაახლოებით 2 წლის დაიწყო. მიზეზი სწორედ ულტრა-მემარჯვენე პრემიერმინისტრის, ვიქტორ ორბანის ხჯორჯ სოროსისადმი დამოკიდებულება გახდა.
ორბანის და მისი ნაციონალისტური მთავრობის განცხადებით, ჯორჯ სოროსი გლობალისტია, რომელიც მასობრივ იმიგრაციას მხარს უჭერს და ქვეყნის კულტურას და იდენტობას ძირს უთხრის. .
თუმცა, ოფიციალური ვერსიით, "უნგრეთში რამდენიმე უნივერსიტეტი "უკანონოდ" ფუნქციონირებდა და ხელისუფლებამ რამდენიმე უცხოურ უნივერსიტეტში "დარღვევები" გამოავლინა".
უნივერსიტეტი ვენაში გადაინაცვლებს და ფუნქციონირებას იქ გააგრძელებს.
