"ამას მერე გეტყვით" - ასე პასუხობს სალომე ზურაბიშვილი ჟურნალისტების კითხვას, პირველ რიგში, რას გააკეთებს ქართველი ამომრჩევლისთვის. ის საკუთარ საარჩევნო შტაბში მივიდა, სადაც მილოცვებს იღებს.
"რა ინაუგურაციის სამზადისი, ამის დრო იქნება ხვალ" - აღნიშნა ქართული ოცნების მხარდაჭერილმა პრეზიდენტობის კანდიდატმა.
ცენტრალური საარჩევნო კომისიის პირველადი მონაცემებით, საქართველოს მოსახლეობამ ქვეყნის მეხუთე პრეზიდენტად სალომე ზურაბიშვილი აირჩია. ამ დროისთვის, დათვლილია ხმების 98.76%.
ქართული ოცნების მხარდაჭერილ კანდიდატს მხარს ამომრჩევლის 59.61% უჭერს, ხოლო გაერთიანებული ოპოზიციის კანდიდატს გრიგოლ ვაშაძეს - 40.39%.
