სამართალდამცველებმა მაღაზიის გაქურდვის ბრალდებით, წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი გ.თ. დააკავეს. დანაშაული 3-დან 5 წლამდე ვადით თავისუფლების აღკვეთას ითვალისწინებს.
შსს-ს ცნობით, გამოძიებამ დაადგინა, რომ 1982 წელს დაბადებულმა გ.თ-მ მიმდინარე წლის 7 ნოემბერს, ღამით, რუსთავის მე-14 მიკრორაიონში, N21 საჯარო სკოლის მიმდებარე ტერიტორიაზე სასურსათო მაღაზია გაქურდა და შემთხვევის ადგილიდან მიიმალა.
"სამართალდამცველებმა გ.თ. მომხდარიდან მალევე, ცხელ კვალზე დააკავეს. ნაქურდალი ნივთები ამოღებულია ნივთმტკიცების სახით" - აცხადებს შსს.
გამოძიება ქურდობის ფაქტზე მიმდინარეობს, საქართველოს სსკ-ს 177-ე მუხლის მე-2 ნაწილის „ბ“ ქვეპუნქტით.
