კობახიძე: ყიფიანს ქართულ ოცნებასთან კავშირი არ აქვს, მასთან საუბარი ჩვენი ინტერესი არ არის

საქართველოს პარლამენტის თავმჯდომარე, ირაკლი კობახიძე ეხმაურება ომეგა ჯგუფის დამფუძნებლის, ზაზა ოქუაშვილის ინტერვიუს და რუსთავი 2-ის მიერ გავრცელებულ ჩანაწერებს, რომლის მიხედვითაც, ბიძინა ივანიშვილის დავალებით ოთარ ფარცხალაძემ სპორტის ყოფილი მინისტრი ლევან ყიფიანი სარდაფში ჩაკეტა და დაემუქრა. ეს კი, ოქუაშვილის თქმით, "ომეგა ჯგუფისთვის" ქრთამის სახით მოთხოვნილ 4 მილიონს უკავშირდებოდა.